गजलकार ऋषभ अधिकारीका उत्कृष्ट ५ गजलहरु

(१)
मनभन्दा धनै ठुलो हुन्छ भन्थे सहरमा,
रुने हाँस्छ कि त हाँस्ने रुन्छ भन्थे सहरमा

सुनेको थेँ कुरा आज बन्दै छ है साँचो,
महङ्गीले चन्द्रमा नै छुन्छ भन्थे सहरमा

ऋणको भारी बोकी छोरा पठाएसी सहर,
कुलतको जालो छोरो बुन्छ भन्थे सहरमा

पैसाले नै न्याय किन्ने डर हुने अनि,
गरिबलाई चैँ प्रशासनले थुन्छ भन्थे सहरमा

(२)

धेरै कुरा आज यहाँ नजरबाट पोखिन्छ,
असल र खराब ती रहरबाट पोखिन्छ

जमाना नै यस्तै हो कि दोषि केही अर्कै,
एउटैलाई माया पुरै सहरबाट पोखिन्छ

एक्लै हुँदा हुन्नन् व्यक्त केहिकेहि कुरा,
हात समाई हिडेको त्यो सफरबाट पोखिन्छ

अघि बढ्ला माया कि त सक्कीने हो अब,
तिम्रो मेरो भावनाको लहरबाट पोखिन्छ

(३)

जसरी सस्तोमा खोलाको पानी बेचिन्छ,
त्यसैगरी सहरमा जवानी बेचिन्छ

रोक्न पनि आँट आओस् र हौ कसलाई ?
मान्छेबाटै मान्छे छानीछानी बेचिन्छ

विपन्नको आवाज दब्छ थाहा नै छ सबलाई ,
सम्पन्नको हुन्छ सँधै मनमानी, बेचिन्छ

कुदृष्टि लाग्छ जब चरित्रमा तब,
संस्कारको सबै त्यहाँ कहानी बेचिन्छ

(४)
तिम्रो मनलाई जित्ने सानो पहल गर्न मन लाग्यो,
छातिभित्र बास बसि सलबल गर्न मन लाग्यो

सम्बन्धको पवित्रता नभुल्नु है कहिल्यै,
चोखो माया अब तिम्लाई हरपल गर्न मन लाग्यो

शङ्काले नै जल्छ लङ्का था छ तिम्लाई पनि,
षड्यन्त्र सब बिछोडको बिफल गर्न मन लाग्यो

नाता अब अजम्बरी बनाउनु नै पर्छ,
भेट्न आउनु चौतारीमा छलफल गर्न मन लाग्यो

(५)

तिम्रोलागि खेलौना यो मन भएपछि,
बेकारको आवाज यो धड्कन भएपछि

थाहा हुन्छ तिम्लाई पनि माया के हो भनि,
एक्लोपनमा पिरोल्ने यै तड्पन भएपछि

हिराजस्तो मुटु पनि मैलो हुनेरैछ,
मनभन्दा ठूलो तिम्लाई धन भएपछि

नजिक हुनु खासै निको लाग्न छाड्यो जब,
मेरो जमिन तिम्रो औकात गगन भएपछि

६ असार २०७७, शनिबार १०:१३ मा प्रकाशित

प्रतिकृया दिनुहोस

विशेष

सबै

स्वास्थ्य मन्त्रालयका चार कर्मचारीमा कोरोना पुष्टि

काठमाडौँ, २५ साउन । स्वास्थ्य तथा जनसंख्या मन्त्रालयका चार जना कर्मचारीमा कोरोना भाइरसको संक्रमण पुष्टि भएको छ । शुक्रबार कोभिड १९..

घर जान पैसा छैन, स्थानीय सरकार सुन्दैन’

नरेन्द्रसिंह कार्की, दार्चुला, २५ साउन । जुम्ला सिजा गाउँपालिका–६ का तारा शाही १० महिने शिशु काखमा च्यापेर भारत..

सोलुखुम्बुमा रहेको चोकर्मा पोखरी फुटेको आशङ्का

भोजराज कार्की सोलुखुम्बु, २४ साउन । सोलुदूधकुण्ड नगरपालिका–१ मा रहेको सेतो पोखरी (चोकर्मा) फुटेको आशङ्का गरिएको..

काठमाडौँमा कडाई, अत्यावश्यक बाहेकका सबै सेवा बन्द

काठमाडौँ, २४ साउन । कोरोना भाइरसको संक्रमण नियन्त्रण गर्न काठमाडौं उपत्यकामा आवतजावतमा कडाइ भएको छ । शुक्रबार..

बुधबार दिउँसो काठमाडौँमा भूकम्प

काठमाडौँ, २१ साउन । बुधबार ४ः३० बजे काठमाडौँमा भूकम्पको धक्का महशुस भएको छ । राष्ट्रिय भूकम्प मापन केन्द्रले..