नुवाकोट गोल्डकपको उपाधि घरेलु टोलीलाई

जमुना गजुरेल विदुर, ३१ जेठ । नुवाकोटमा सम्पन्न दोस्रो नुवाकोट गोल्डकप फुटबल प्रतियोगिताको उपाधि घरेलु टोली नुवाकोट–११ ले जितेको छ । आज भएको फाइनल खेलमा नुवाकोट–११ ले सङ्कटा क्लब काठमाडौँलाई टाइब्रेकरमा ५–३ गोलले पराजित गरी उपाधि हात पारेको हो ।

नुवाकोट आदर्श बहुमुखी क्याम्पसको खेल मैदानमा भएको खेलमा निर्धारित समयमा दुवै टोलीले एक÷एक गोलको बराबरी खलेको थियो । त्यसपछि खेलको निर्णय टाइब्रेकरमार्फत गरिएको हो । मध्यान्तर अघिको खेल गोलरहित बराबरीमा सकिएको थियो । मध्यान्तरपछि दुवै टोलीका तर्फबाट एक÷एक गोल भएको थियो । सङ्कटाका लागि पुजन उपरकोटी तथा नुवाकोट–११ का लागि भिक्टरले गोल गरेका ।

टाईब्रेकरमा नुवाकोट–११ का लागि रुपेश केसी, भिक्टर, रमेश घिसिङ, अभिशेक बर्मा र राजिव लोप्चनले गोल गरेका थिए । सङ्कटाका लागि अमित तामाङ, दिपेश आलेमगर र एमेष्टले गोल गरेका थिए । प्रतियोगिताको उपाधि विजेता नुवाकोट–११ ले रु छ लाख तथा उप–विजेता सङ्कटाले रु तीन लाख पुरस्कार प्राप्त गरेको छ ।

प्रतियोगिताको उत्कृष्ट प्रशिक्षक नुवाकोट–११ का देव चित्रकार, उत्कृष्ट खेलाडी नुवाकोट–११ कै रुपेश केसी तथा म्यान अफ दी फाइनल नुवाकोट–११ कै गोलकिपर अर्पण कार्की घोषित भए । प्रशिक्षक चित्रकारले रु २० हजार, उत्कृष्ट खेलाडी केसीले रु ५० हजार तथा म्यान अफ दी फाइनल कार्कीले रु १० हजार पुरस्कार प्राप्त गरेको नुवाकोट जिल्ला फुटबल सङ्घका उपाध्यक्ष उद्धव पनेरुले जानकारी दिनुभयो । जिल्ला खेलकूद विकास समिति नुवाकोट र नुवाकोट फुटबल सङ्घको संयुक्त आयोजनामा भएको प्रतियोगितामा १० टिमको सहभागिता रहेको थियो । गत वर्ष प्रतियोगिताको उपाधि नेपाल पुलिस क्लबले जितेको थियो ।

३२ जेष्ठ २०७६, शनिबार ०२:३१ मा प्रकाशित

प्रतिकृया दिनुहोस

विशेष

सबै

अख्तियारका प्रमुख आयुक्त नविन घिमिरे आइसोलेशनमा

काठमाडौ । अख्तियार दुरुपयोग अनुशन्धान आयोगका प्रमुख आयुक्त नविन घिमिरे सहित अख्तियारमा कार्यरत तीन दर्जन कर्मचारी र..

डोटीमा घर भत्किँदा चारको मृत्यु, पाँच घाइते

डोटीको आदर्श गाउँपालिका–१ बाझककानी गाउँमा गए राति घर भत्किँदा एकै परिवारका चार जनाको मृत्यु भएको छ भने पाँच..

गोंगबु बिभत्स हत्यामा प्रयोग भएको घर भेटियो

काठमाडौं । राजधानीको गोंगबु–गणेशस्थानमा दाङका कृष्णबहादुर बोहराको विभत्स हत्या भएको घटनाको अनुसन्धानमा..

थप ३८० जनामा कोरोना सङ्क्रमण

काठमाडौँ, २५ साउन । नेपालमा थप ३८० जनामा कोभिड–१९ सङ्क्रमण देखिएको छ । स्वास्थ्य तथा जनसङ्ख्या मन्त्रालयका..

स्वास्थ्य मन्त्रालयका चार कर्मचारीमा कोरोना पुष्टि

काठमाडौँ, २५ साउन । स्वास्थ्य तथा जनसंख्या मन्त्रालयका चार जना कर्मचारीमा कोरोना भाइरसको संक्रमण पुष्टि भएको छ..